Арганізацыя CSO Fusion запрашае на серыю з чатырох практычных анлайн-сустрэч “НДА – гэта людзі: як іх знаходзіць, падтрымліваць і развіваць“, прысвечаных розным аспектам працы з людзьмі ў арганізацыі: ад найму да матывацыі і развіцця.

ja

📆 Даты: 5, 7, 12 і 14 жніўня.
⏰ Час правядзення ўсіх варкшопаў: 16:30-18:30 па беларускім і літоўскім часе.

Праграма і расклад варкшопаў

Зарэгістравацца можна як на ўсе чатыры анлайн-варкшопа, так і на адзін занятак.

1. Як знайсці “сваіх” людзей: рэкрутынг і адаптацыя ў НДА

5 жніўня, аўторак

Падчас варкшопу мы даведаемся, як будаваць працэс найму ў НДА і што дапамагае новым людзям хутчэй увайсці ў каманду і эфектыўна ўключыцца ў працу. Абмяркуемвыклікі і болі НДА ў гэтай сферы і шляхі іх пераадольвання.

2. Арганізацыйная культура, матывацыя і ўтрыманне: як ствараць асяроддзе, у якім хочацца працаваць

7 жніўня, чацвер

На гэтым занятку мы абмяркуем, што такое арганізацыйная культура і як яна ўплывае на матывацыю і ўцягнутасць каманды. Разбярэм, якія нематэрыяльныя фактары дапамагаюць утрымліваць супрацоўні:ц у некамерцыйным сектары, і пазнаёмімся з практыкамі стварэння працоўнага асяроддзя, у якім людзям хочацца развівацца і заставацца надоўга.

3. Як ацэньваць эфектыўнасць і развіваць патэнцыял супрацоўні:ц

12 жніўня, аўторак

На вaркшопе мы: 

• Разбярэмся, што такое performance management (кіраванне эфектыўнасцю) і яго ключавыя элементы: пастаноўка мэт, маніторынг і зваротная сувязь, ацэнка эфектыўнасці;
• Пагаворым аб тым, як адаптаваць падыход да кіравання эфектыўнасцю пад спецыфіку некамерцыйных арганізацый;
• Разгледзім 1-2 практычных інструмента для ацэнкі вынікаў і развіцця супрацоўні:ц у НДА.

4. Як арганізаваць паспяховую працу размеркаванай каманды

14 жніўня, чацвер

Падчас варкшопу мы абмяркуем асноўныя выклікі дыстанцыйнай працы і даведаемся, як арганізаваць працэсы, каб забяспечыць камунікацыю, каардынацыю і пачуццё прыналежнасці ў камандзе.

kj

Як будуць праходзіць варкшопы

Варкшопы будуць праходзіць у Zoom у фармаце практычных заняткаў з дыскусіямі, абменам досведам і ідэямі. Мова заняткаў: беларуская і руская.

Заняткі правядуць эксперткі і трэнеркі ў тэме кіравання чалавечымі рэсурсамі і арганізацыйнага развіцця з вопытам у некамерцыйным і карпаратыўным сектары.

Як далучыцца

Каб трапіць на варкшопы, запоўніце форму па спасылцы. Зарэгістравацца можна як на адзін занятак, так і на ўсе чатыры анлайн-воркшопа.

Рэгістрацыя на кожную сустрэчу закрываецца за 48 гадзін да яе пачатку. Напярэданні варкшопа вы атрымаеце спасылку на падлучэнне праз Zoom.