Індэкс устойлівасці арганізацый грамадзянскай супольнасці (Civil Society Organization Sustainability Index, CSOSI) – гэта аналітычны інструмент, распрацаваны Агенцтвам Злучаных Штатаў Амерыкі па міжнародным развіцці (USAID) у 1998 годзе для ацэнкі ўзроўню развіцця арганізацый грамадзянскай супольнасці ў розных краінах.
Метадалогія
Індэкс штогадова разлічваецца групай экспертаў і экспертак па 7 параметрах устойлівасці АГС:
- Прававое асяроддзе
- Арганізацыйны патэнцыял
- Фінансавая ўстойлівасць
- Адвакатаванне
- Аказанне паслугаў
- Інфраструктура сектара
- Грамадскі імідж.
Для ацэньвання выкарыстоўваецца сямібальная шкала, дзе 7 адпавядае самаму нізкаму ўзроўню ўстойлівасці, а 1 – самаму высокаму.
Індэкс у Беларусі і ў свеце
У мінулыя гады пры падтрымцы USAID Індэкс скаардынавана ацэньваў узровень развіцця грамадзянскай супольнасці больш чым у 70 краінах ва ўсім свеце. У 2022 годзе ацэнка праводзілася толькі ў 15 краінах, а зараз метадалогія Індэкса самастойна выкарыстоўваецца асобнымі краінамі, у тым ліку Беларуссю.
Ацэнка Індэкса беларускіх АГС упершыню адбылася ў 2000 годзе, і з таго часу працягваецца штогадова. З 2008 і да ліквідацыі ў 2022 ацэнку праводзіла Міжнароднае асветніцкае грамадскае аб’яднанне “АКТ”. Цяпер працу над Індэксам працягвае арганізацыя CSO Fusion пры падтрымцы FHI 360.
Ацэнка і публікацыя справаздач па Індэксу ўстойлівасці АГС была б немагчымыя без удзелу шматлікіх асоб і арганізацый. Мы асабліва ўдзячныя ўдзельнікам і ўдзельніцам экспертных груп, на ведах, досведзе, ідэях і назіраннях якіх грунтуецца Індэкс.
Справаздачы
Запрашаваем азнаёміцца са справаздачамі па ацэнцы Індэкса ўстойлівасці АГС Беларусі за 2000-2023 гг. Справаздачы па Беларусі і іншых краінах таксама даступныя на англійскай мове на сайце csosi.org.