CSO Fusion – гэта беларуская некамерцыйная арганізацыя, якая спалучае ў сваёй дзейнасці вопыт і інавацыі для ўмацавання і развіцця грамадзянскай супольнасці і актывістаў, якія працуюць на карысць Беларусі.

CSO Fusion зарэгістравана ў Літве ў кастрычніку 2023 года. Наша каманда аб’ядноўвае вопытных спецыялістаў і экспертаў, якія працуюць у сферы развіцця грамадзянскай супольнасці і абароны правоў чалавека ад 10 да 30 год. 

Наша місія: Узмацненне сектару беларускіх арганізацый грамадзянскай супольнасці (АГС) як лідэра пазытыўных пераменаў. 

Мы працуем дзеля будучыні, у якой: 

• Крытычная маса беларускіх АГС бачныя, устойлівыя, прафесійныя, дасягаюць вынікаў і маюць грамадскую падтрымку. 

• Арганізацыі і ініцыятывы падтрымліваюць і ўзмацняюць сувязі са сваімі мэтавымі групамі, паміж сабой і з іншымі сектарамі, а таксама праяўляюць салідарнасць. 

• Грамадскі сектар здольны актыўна ўплываць на працэсы прыняцця грамадска-важных рашэнняў і ажыццяўляць змены. 

У межах стратэгічных кірункаў дзейнасці мы: 

• аказваем падтрымку актывістам грамадзянскай супольнасці ў атрыманні псіхалагічнай, супрацьвыгаральнай, рэабілітацыйнай і іншай дапамогі;
• кансультуем, навучаем і прапануем іншую падтрымку па пытаннях кіравання і арганізацыйнага развіцця грамадскіх арганізацый і ініцыятыў;
• прасоўваем супрацоўніцтва і партнёрства ў трэцім сектары;
• узмацняем патэнцыял спецыялістаў, якія працуюць у сферы развіцця АГС.

Мы няспынна аналізуем новыя выклікі і патрэбы, якія ўзнікаюць перад грамадзянскай супольнасцю Беларусі, імкнемся гнутка рэагаваць на іх і прапаноўваць падтрымку, якая дапаможа дзейнічаць арганізацыям і актывістам больш эфектыўна.

Мы адкрыты для партнёрства і супрацоўніцтва з арганізацыямі, якія падзяляюць нашыя мэты і бачанне.